'Ætti de Fine, ei vidgreint dansk-norsk embetsmanns-ætt, var komi til København frå Antwerpen ikr. 1550 med Arnoldus de Fine, som var 'orgelist' hjå kong Kristian III, sida hoff-kapellmeister o.m. Namnet de Fine er latinisering av den flamske formi van Enten, som og er nytta om ættefaren i Danmark - forutan den tyske formi von Ende. (I nyflamsk er van den Eynde eit vanleg namn.) Ein av sønene åt denne fyrste Arnoldus, Hans (1579-1637), var sokneprest i Helsingborg i Skåne (som då var dansk). Med eldste son åt Hans, den nemnde Arnold, kjem ei grein av ætti til Noreg i 1630-åri. Arnold var rektor og lector theologiæ i Bergen, seinare sokneprest i Fana. Sistpå vart han biskop i Trondheim, men han døydde snart etter vigsla (1672). Han har skrive ei bortkomi Noregs-soge på latin. Jfr. L.H.F. Olivarius, Stamtavler over Slægterne Olivarius og de Fine (Kjøbenhavn 1894) s. 64 fg.' (Thorson, 1952).

Informant: Sissil Bruun Sørensen - Webdebatt 34845: Rasmus de Fine - ...... Innlegg 4